काठमाडौँ । संघीय मामिला तथा सामान्य प्रशासनमन्त्री अमनलाल मोदी र काठमाडौँ महानगरपालिकाका प्रमुख बालेन्द्र (बालेन) शाह बीच भेटवार्ता भएको छ।
सिंहदरबारस्थित मन्त्री मोदीको कार्यकक्षमा भएको भेटमा मन्त्रालय र काठमाडौँ महानगरबीचको सहकार्य र समन्वयका सन्दर्भमा कुराकानी भएको बताइएको छ।
सो अवसरमा काठमाडौँ महानगर प्रमुख शाहले काठमाडौँ महानगरका जग्गा प्राप्तिसम्बन्धी समस्या, फोहरमैला व्यवस्थापनसम्बन्धी देखिएका समस्या र तर्जुमा भइरहेको कानूनका सन्दर्भमा चासो राख्नुभएको थियो ।
उहाँले मन्त्री मोदीसँग काठमाडौँ महानगरभित्र संघीय सरकारमार्फत् गर्नुपर्ने सहयोग र समन्वयका लागि आग्रह गर्नुभयो ।
मन्त्री मोदीले आवश्यक छलफल गरेर समस्या समाधानको दिशामा अगाडि बढ्ने भन्दै फोहोरमैला व्यवस्थापनसम्बन्धी कानून निर्माणको क्रममा रहेकाले त्यसमाथि महानगरलाई आवश्यक सुझाव दिन पनि आग्रह गर्नुभयो ।
