काठमाडौं । संविधानविद् भीमार्जुन आचार्यले सरकारले जारी गरेको नागरिकतासम्बन्धी अध्यादेशप्रति गम्भीर चिन्ता व्यक्त गर्नुभएको छ ।
उहाँले सामाजिक सञ्जालमार्फत अभिव्यक्ति दिँदै राष्ट्रपति विद्यादेवी भण्डारी र प्रधानमन्त्री केपी शर्मा ओली मिलेर देशलाई फिजीको नियतिमा पुर्याउन खोजेको आरोप लगाउनुभएको हो ।
उहाँले लेख्नुभएको छ,
ओली राष्ट्र घातको कित्तामा उभिएको दिन देखि हामीले बिरोध गर्यो । उनको गुट र कार्यकर्ताहरू हाम्रो बिरुद्ध खनिए। यस्तो महामारीको समयमा आज उनी र राष्ट्रपति मिलेर नेपाललाई फिजीको नियतिमा पुर्याउने नागरिकता अध्यादेश जारी गरे। जसको बिरोध पहिले उनी आफैले गरेका थिए। भोलि निर्वाचन गरे भने मुलुकको सार्वभौमसत्ता नै बुझाउँलान । सत्ताको लागि जस्तोसुकै सम्झौता गर्ने खतरा देखियो। एउटा नेता भन्दा देश ठूलो हो। होसियार हौ। त्यो तत्व पचासौं वर्षको ड्युज यो सरकार मार्फत प्राप्ति गर्ने योजनामा छ । त्यसलाई सफल हुन नदिउँ ।
