काठमाडौं । नेपाली राष्ट्रिय फुटबल टिमका डिफेन्डर अनन्त तामाङले भारतको इन्डियन सुपर लिग (आईएसएल) खेल्ने भएका छन् ।
उनी आईएसएल क्लब स्पोर्टिङ क्लब इस्ट बंगालमा अनुबन्धित भएका हुन् ।
सेन्टर ब्याक अनन्तले यस सिजनको अन्तिमसम्मका लागि इस्ट बंगालसँग सम्झौता गरेको बताइएको छ ।
यद्यपि, उनको टोलीले लिगमा अब चार खेल खेल्न बाँकी रहेकोले अनन्तले आईएसएलको चार खेल मात्र खेल्ने छन् ।
अनन्त आईएसएल खेल्ने पहिलो नेपाली खेलाडी समेत बनेका छन् ।
अनन्तले सहिद स्मारक ए डिभिजन लिगमा थ्री स्टार क्लबबाट खेलिरहेका थिए ।
थ्री स्टारले अनन्तलाई आईएसएलका लागि फुकुवा समेत गरिसकेको छ ।
थ्री स्टारले आज अनन्तलाई बिदाइ गर्दैछ ।
