काठमाडौँ । सर्वोच्च अदालतमा यही साउन ७ गतेसम्म बन्दी प्रत्यक्षीकरण र अत्यावश्यक निवेदनबाहेक कुनै पनि मुद्दाको सुनुवाइ नहुने भएको छ ।
आर्थिक वर्षको अन्त्यमा थाँती रहेका कामहरुको आन्तरिक व्यवस्थापन गर्नुपर्ने भएकाले सर्वोच्चमा साउन ७ गतेसम्म बन्दी प्रत्यक्षीकरण र अत्यावश्यक निवेदनबाहेक अन्य कुनै पनि मुद्दाको सुनुवाइ नगर्ने प्रचलन रहेको छ ।
अघिल्लो आर्थिक वर्षको फाँट, मुद्दा नम्बर र मुद्दाको व्यवस्थापन गर्नुपर्ने भएकाले र यो बीचमा एउटा प्रणाली बनाएर नयाँ आर्थिक वर्षभरि काम गर्नुपर्ने भएकाले अन्य मुद्दाको सुनुवाइ गर्न नभ्याइने अवस्था आएको हो ।
सर्वोच्च अदालतमा साउन ७ गतेसम्म बन्दीप्रत्यक्षीकरण र अत्यावश्यक निवेदनको मात्र सुनुवाइ भए पनि साउन ८ गतेदेखि १५ गतेसम्म अन्य निवेदन भने लिइन्छ ।
त्यस्तै जिल्ला अदालत र उच्च अदालतमा भने साउन १५ गतेसम्म बन्दी प्रत्यक्षीकरण र अत्यावश्यक निवेदनको मात्र सुनुवाइ हुन्छ ।
