• १० असार २०८१, सोमबार
  •      Mon Jun 24 2024
  •   Unicode
Logo
Latest
★   जिल्ला अदालत सर्लाहीद्वारा रामबहादुर बम्जनलाई दोषी ठहर ★   सरकार र रुवी खानबीच ५ बुँदे सहमति ★   सांसदका १२ प्रश्नमा अर्थमन्त्री पुनको जवाफ ★   नदीमा पानीका बहाब बढेपछि मेलम्ची खानेपानी आयोजना बन्द ★   ऊर्जामन्त्री बस्नेत समक्ष विद्युत् नियमन आयोगका अध्यक्षको शपथ ★   निर्मला पन्तको हत्याबारे गृहमन्त्री: नतिजाउन्मुख छौँ ★   प्रधानमन्त्रीसँग चिनियाँ उपविदेशमन्त्रीको शिष्टाचार भेट ★   काठमाडौँ महानगरपालिकाको बजेट २५ अर्ब ७० करोड ★   अपाङ्गताले छेकेन पार्वतीको उद्यमी बन्ने रहर ★   अयोध्यामा राम मन्दिर बनाउन नेपालबाट लगिएको शालिग्राम नेपालले फिर्ता पाउनुपर्छ: वामदेव गौतम

तेरे नामः सलमानले चाहेर होइन रिसले टाउको खौरिएका थिए



एजेन्सी । ‘तेरे नाम’ सलमान खानको करियरलाई पुनर्जीवित गर्ने फिल्म थियो । यो फिल्मका लागि सलमान खानले टाउको खौरिएका थिए । यद्यपि उनको टाउको खौरिनुको पछाडि एउटा रोचक कथा छ । सलमानले आक्रोशमा कपाल खौराए ।

वास्तवमा सलमान एउटा फिल्मको सुटिङ गरिरहेका थिए । त्यसपछि तेरे नामका निर्माता सुनिल मनचन्द उनीकहाँ आए । उनले फिल्मको कथा सलमानलाई सुनाए, जुन सलमानलाई निकै मन पर्यो । तर, त्यतिन्जेलसम्म सलमानले कपाल मुन्डन गने कि नगर्ने पक्का थिएन ।

एक दिन सलमानलाई ज्वरो आयो । सलमान तेरे नाम भन्दा पहिले जुन फिल्मको सुटिङ गरिरहेका थिए त्यस फिल्मका निर्देशक उनीकहाँ आए । निर्देशकले सलमानलाई सुटिङ जारी राख्न आग्रह गरे । उच्च ज्वरोले सताएको सलमान ती निर्देशकसँग निकै रिसाए । उनी रिसाए र कपाल खौरिए ।

सलमान खानले २०२१ मा रियालिटी शो ‘सारे गामा पा’मा भाग लिएका थिए । यसै क्रममा उनले टाउको खौरिएको कथा सेयर गरेका थिए । एउटा किस्सा सुनाउँदै सलमानले भने, ‘म तेरे नाम अघि अर्को फिल्मको सुटिङ गरिरहेको थिएँ । त्यसपछि मेरो नजिकका साथी सुनिल मनचन्द आए । उनले मलाई तेरे नामको स्क्रिप्ट सुनाए र फिल्मको दोस्रो हाफमा म टाउको मुन्डन गरेको हुनुपर्ने बताए । म अन्योलमा परें किनभने म पहिले नै अर्को फिल्म गर्दै थिएँ । मलाई अझै पनि याद छ कि एक दिन मलाई ज्वरो आएर आत्तिएको थिएँ । निर्देशक मकहाँ आएर मलाई सुटिङ जारी गर्न कर गर्न थाले । म रिसाएर वाशरूम गएँ त्यसपछि पूरै कपाल काटेँ ।’

तेरे नामसँग जोडिएको अर्को रोचक कथा छ । पहिले फिल्मलाई अनुराग कश्यपले निर्देशन गर्न लागेका थिए । तर, उनले सलमानको अगाडि यस्तो माग राखे, जसका कारण उनले रातारात यो प्रोजेक्ट गुमाउनुपर्‍यो ।

अनुराग कश्यपले पुरानो अन्तर्वार्तामा भनेका थिए, ‘फिल्मको कथा यूपीको मथुरा र आगरामा आधारित थियो, त्यसैले म अभिनेतालाई पुरै यूपी अवतारमा देख्न चाहन्थेँ । मैले सलमानलाई आफ्नो कपाल बढाउनुपर्ने बताएको थिएँ । मेरो कुरा सुनेर सलमान पूर्णतया शान्त भए, उनले त्यसबेला मलाई केही भनेनन् । भोलिपल्ट मलाई फिल्मबाट निकालिएको थाहा भयो । मेरो ठाउँमा सतीश कौशिकलाई फिल्मको निर्देशनको जिम्मा दिइएको थियो ।’