काठमाडौं । नेपाली राष्ट्रिय महिला फुटबल टोलीले आज बंगलादेशसँग दोस्रो मैत्रीपूर्ण खेल खेल्दैछ । ढाकास्थित वीरश्रेष्ठ सहिद सिपाही मोहम्मद मुस्तफा कमल रंगशालामा हुन लागेको खेल नेपाली समय अनुसार साँझ ५:१५ बजेबाट सुरु हुनेछ ।
नेपाल र बंगलादेशले पहिलो मैत्रीपूर्ण खेल बिहीबार खेलेको थियो । उक्त खेल १–१ को बराबरीमा टुंगिएको थियो । सावित्रा भण्डारी सम्बाले ४ मिनेट थप इन्जुरी समयमा गोल गर्दै नेपाललाई हारबाट जोगाएकी थिइन् ।
नेपाल र बंगलादेशबीच यसअघि १० पटक प्रतिस्पर्धा भएको छ । जसमा नेपाल ६ पटक विजयी भएको थियो भने ३ खेल बराबरीमा टुंगिएको थियो । बंगलादेशले एक मात्र खेलमा जित हात पारेको थियो ।
नेपाली महिला फुटबल टोली
गोलकिपर – एन्जिला तुम्बापोा सुब्बा (कप्तान), अन्जना राना मगर, उषा नाथ
डिफेन्डर – अमृता जैसी, गिता राना, हिराकुमारी भुजेल, पुजना राना, विमला विके, निशा थोकर, समिक्षा घिमिरे, अन्चली वाइवा
मिडपिफल्डर – रेनुका नगरकोटे, सरु लिम्बु विमला चौधरी, अनिता बस्नेत, प्रिति राई, दीपा शाही
फरवार्ड – सावित्रा भण्डारी, अनिता केसी, सविता राना मगर, रश्मीकुमारी घिसिङ, अमिषा कार्की, रेखा पौडेल
