काठमाडौं । बाग्मती प्रदेशको राष्ट्रिय सभाको उपनिर्वाचनमा रामबहादुर थापा (बादल)लाई पराजित गर्नुभएका डा. खिमलाल देवकोटाले नेकपा (माओवादी केन्द्र) का अध्यक्ष पुष्पकमल दाहाललाई भेट्नुभएको छ । उहाँले आज दाहालको निवास पुगेर भेट गर्नुभएको हो ।
भेटघाटको क्रममा अध्यक्ष प्रचण्डले संघीयताका पक्षमा योगदानको अपेक्षा राखेको र देवकोटाले आफू संबिधानप्रदत्त जनताका अधिकार र संघीयता पक्षमा सदैव दृढतापूर्वक लागिरहने प्रतिबद्धता व्यक्त गरेको स्रोतले बताएको छ ।
उपनिर्वाचनमा देवकोटाले मतभार ५,०८८ प्राप्त गर्नुभएको थियो भने उहाँका निकटतम प्रतिद्वन्द्वी बादलले ४,०१४ मतभार प्राप्त गर्नुभएको थियो ।
