काठमाडौं । पूर्वसभामुखहरुले प्रतिनिधिसभा विघटनलाई असंवैधानिक रहेको बताउनुभएको छ ।
आज सभामुख अग्निप्रसाद सापकोटाले बोलाउनुभएको बैठकमा सहभागी हुनुभएका पूर्वसभामुखहरुले संविधानअनुसार सरकार गठनका सबै विकल्प प्रयोग नभई संसद विघटन गरिएको आरोप लगाउनुभएको हो ।
बैठकमा ओनसरी घर्ती मगर, कृष्णबहादुर महरा रामचन्द्र पौडेल उपस्थित हुनुभएको थियो । एमाले संसदीय दलका उपनेता समेत रहनुभएका पूर्वसभामुख सुवासचन्द्र नेम्वाङ भने बैठकमा अनुपस्थित रहनुभयो ।
सरकारको सिफारिसमा राष्ट्रपतिले प्रतिनिधि सभा विघटन गरेपछिको अवस्थाबारे पूर्वसभामुखहरूसँग परामर्श गर्न सभामुख सापकोटाले बैठक बोलाउनुभएको हो ।
