एजेन्सी । तौल घटाउन भोकै बस्नु भनेको सबैले अन्धाधुन्ध विश्वास गर्ने कुरा हो । केहि व्यक्तिहरू छन् जसलाई स्वाभाविक रूपमा कम भोक हुन्छ वा उनीहरूको आहार धेरै कम हुन्छ । भोक नलाग्ने तब हुन्छ जब तपाईलाई खाने इच्छा कम हुन्छ ।
यसका धेरै कारण हुन सक्छन्, जस्तै मानसिक र शारीरिक रोगहरू । तर, यदि तपाईको तौल कम छ र कम भोकका कारण तपाईको शरीरमा पोषक तत्वको कमी छ भने यो समस्या हुन सक्छ ।
लामो समयसम्म भोक नलाग्ने समस्या भएमा अस्वस्थकर तौल घट्न सक्छ, जुन स्वास्थ्यका लागि राम्रो होइन । केही प्राकृतिक उपायहरू पनि छन्, जसको मद्दतले तपाईं स्वाभाविक रूपमा आफ्नो भोक बढाउन सक्नुहुन्छ ।
थोरै–थोरै खाना समय–समयमा खाइरहने
साधारणतया मानिसहरूले दिनको तीन पटक भारी खाना खानु नै तौल बढाउने सही उपाय हो भन्ने ठान्छन् । जबकि यो धारणा गलत छ किनकि शरीर पहिले नै कम भोकसंग संघर्ष गरिरहेको हुन्छ । यस्तो अवस्थामा एकैपटक भारी खाना खाँदा पेट फुल्ने समस्या हुन्छ, जसका कारण भोक कम हुन सक्छ । त्यसैले थोरै खानुहोस् ताकि शरीरलाई दिनभर ऊर्जा मिलोस् । एकै चोटि ठुलो खाना खानु भन्दा दिनभर थोरै खाना खाने बानी बसाल्नु राम्रो हुन्छ । यसले पेट फुलेको महसुस हुनबाट रोक्न मद्दत गर्न सक्छ र क्यालोरी सेवन बढाउन मद्दत गर्न सक्छ ।
पोषक तत्व युक्त आहार खानुहोस्
पोषणयुक्त र कम क्यालोरी भएका खाद्य वस्तुहरू छनौट गर्नुहोस् । एभोकाडो, नट्स, पिनट बटर, जैतुनको तेल, दुग्ध उत्पादन र स्वस्थ बोसोजस्ता खाद्य वस्तुहरू समावेश गर्नुहोस् ।
प्रोटीन आहार लिनुहोस्
विज्ञहरूको भनाइअनुसार खानामा राम्रो मात्रामा प्रोटिन समावेश गर्नका लागि लिन मिट, कुखुरा, माछा, अण्डा, गेडागुडी, दुग्धजन्य पदार्थ र वनस्पतिमा आधारित प्रोटिनका विकल्पहरू जस्तै टोफु र टेम्पेह खान सकिन्छ ।
हाइड्रेटेड रहनुहोस्
दिनभरि पानी पिउनाले शरीरलाई राम्रो पाचनका लागि तयार गर्न मद्दत गर्दछ । यस बाहेक, हाइड्रेटेड रहनु समग्र स्वास्थ्य र एक स्वस्थ आहार को लागि आवश्यक छ ।
नियमित व्यायाम
आफूलाई शारीरिक रूपमा व्यस्त राख्दा भोक बढाउन मद्दत मिल्न सक्छ । आफ्नो दैनिक बानीमा व्यायाम समावेश गर्नुहोस् । यसले पाचन प्रक्रियालाई गति दिन्छ र भोक बढाउँछ ।
