काठमाडौँ । नागरिकताविहीन संघर्ष समितिले नागरिकतासम्बन्धी कानुन कार्यान्वयन भएपनि नागरिकता लिन विभिन्न समस्या भएको बताएको छ ।
समितिले मंगलबार गृह सचिव दिनेश भट्टराईसमक्ष नागरिकता लिन देखिएका विभिन्न समस्या समाधान हुने गरी नियमावली संशोधन गरेर प्रकाशन गर्न माग गर्दै ध्यानाकर्षणपत्र बुझाएको हो ।
ध्यानाकर्षणपत्रमा केही समयअघि राष्ट्रपति रामचन्द्र पौडेलद्वारा प्रमाणीकरण भएपछि कार्यान्वयनमा आएका विधेयकमा आमाको नामबाट र पितृत्व र मातृत्वको ठेगाना नभएकालाई पनि नागरिकता दिने भनिएको भएपनि त्यसमा विभिन्न समस्याहरु आएको उल्लेख छ ।
समितिका अध्यक्ष ई इन्द्रजित साफीले जन्मसिद्ध नागरिकता भएको बुवा, आमाको नागरिकता भएर पनि जग्गाको लालपुर्जा, बिजुलीको बिल, खानेपानीको बिल र हजुर बुबा–आमाको नागरिकता नदिइएको भन्दै सच्याउन माग गरिएको जानाकारी दिनुभयो ।
