एजेन्सी । एकतर्फ पूरा विश्व नै कोरोनासँग लडिरहेको छ । अर्कोतर्फ ब्ल्याक फंगसले पनि आक्रान्त मच्चाउन थालेको छ । 

भारतको गुजरातमा ब्ल्याक फंगसले आतंक मच्चाइरहेको छ । यसैबीच राजाकोटमा विमल नाम गरेका युवक पछिल्लो ५ महिनामा ६ पटकसम्म ब्ल्याक फंगसको शल्यक्रिया गरिसकेका छन् तापनि अहिलेसम्म उनलाई यो रोगबाट मुक्ति मिलेको छैन । 

विमलकी पत्नी चाँदनीका अनुसार विमल अहमवादमा बस्दथे । उनलाई त्यहीँ नोभेम्बरमा कोरोना संक्रमण भएको थियो । कोरोनाको उपचारको क्रममा विमललाई अक्सिजन दिइएको थियो । 

कोरोनालाई पराजित गर्ने विमललाई ब्ल्याक फंगसले भने आक्रान्त पारेको छ । सबैभन्दा पहिले विमललाई नाकमा फंगस पाइएको थियो । जसको शल्यक्रिया गरियो । त्यसपछि आँखा, कान र त्यसको वरपर पनि शल्यक्रिया गरियो । अहिले फंगसको संक्रमण मस्तिष्कसम्म पुगेको छ । 

जसकारण अव उनले मस्तिष्कको न्यूरो सर्जरी गर्नुपर्ने भएको छ । उनले यसको उपचारका लागि ३९ सुई लगाइसकेका छन् । पत्नी चाँदनीका अनुसार विमलको उपचारमा घरमा जम्मा भएको सम्पत्ति सकिएको छ । यहाँसम्म कि उनले घर नै बेच्नुपरेको छ । उपचारमा ४१ लाख रुपैया खर्च भइसकेको छ । अझै उनलाई १५ लाख रुपैया आवश्यक पर्ने चाँदनी बताउँछन् । 

विमलको उपचार गर्ने चिकित्सकहरु कोरोनापछि यसरी ब्ल्याक फंगसको संक्रमण भएर पनि जिवितै रहनु एकदमै चमत्कार रहेको बताउँछन् । चिकित्सकका अनुसार हालसम्म ६ ठूला शल्यक्रिया भइसकेको छ । उनी पूर्ण रुपमा ठिक भइसकेको भनेर आँकलन गर्दै गर्दा उनको मस्तिष्कमा ब्ल्याक फंगस पाइएको थियो । 

समाचार लिंक: ५ महिनामा ६ पटक शल्यक्रिया गरेपनि ब्ल्याक फंगसबाट मुक्त हुन नसकेपछि…