काठमाडौ । कोरोनाविरूद्धको खोप उपलब्ध गराइदिने पहल गरिदिन राष्ट्रपति विद्यादेवी भण्डारीले भारतीय समकक्षी रामनाथ कोविन्दलाई बुधबार औपचारिक पत्र लेख्नुभयो । पछिल्ला दिन प्रधानमन्त्री केपी ओलीले पनि खोप उत्पादक राष्ट्रहरु चीन, भारत अमेरिका बेलायत जर्मनीलगायत अन्य मुलकका नेपाल प्रतिनिधिसँग भेट गर्दै खोपका लागि अनुरोध गरिरहनु भएको छ ।
कोरोनाको बढ्दो सक्रमण नियन्त्रणका लागि खोप नै पहिलो भरपर्दाे आधार भएका कारण सरकार यतिबेला खोपको खोजीमा कस्सिएको छ । खोप उत्पादक मुलुकसंगै विश्व स्बास्थ्य संगठन लगायतका संस्थाहरुसंग पनि सरकारले खोपको लागि हार गुहार गरिरहेको छ । विश्वकै धेरै खोप उत्पादन गर्नै मुलुक भारतपछि कोरोना खोप लगाएको दाबी सरकारले गरिरहदा खोप पुग्न बाँकी ठुलो जनसख्या रहेको छ ।
पछिल्लो पटक प्रधानमन्त्री केपी ओलीले २०७८ मंसीर २७ गते र कार्तिक ३ गते हुने भनिएको निर्बाचनअघि सबै नागरिकलाई खोप पुर्याउने अनुमान गर्नुभएको छ । यसबिचमा केही राष्ट्रहरुले नेपाललाई खोप सहयोग गर्ने प्रतिबद्धता पनि जनाएका छन् । प्रधानमन्त्री तथा मन्त्रीपरिषद्को कार्यलयका एक उच्च अधिकारीका अनुसार सबै नागरिकलाई खोपको प्रबन्ध गर्ने हो भने तत्काल ३ करोड ८२ लाख ५० हजार ४४ खोप आवश्यक पर्दछ ।
नेपाललाई हाल यति नै खोप आवश्यक पर्छ भनेर सम्बन्धित अधिकारीहरुले हालैमात्र प्रधानमन्त्री केपी शर्मा ओलीलाई हालैमात्र ब्रिफिंग गरेका थिए । त्यसैले नेपाल सरकारले खोपको यति मात्राका लागि जोहो गर्नुपर्ने भनी तयारी थालेको पनि बताइएको छ ।
तथ्याङअनुसार नेपालमा खोप लगाउनुपर्ने नागरिकको संख्या २ करोड १७ लाख ५८ हजार ७६३ रहेको छ । जसमध्ये पुर्ण खोप अर्थात दुबै डोज लगाउने खंख्या ५ लाख १३ हजार ८३१ रहेको छ । यसैगरी पहिलो चरणको खोपलएका र दोश्रो चरणको खोप प्रतिक्षा गर्नेको संख्या २१ लाख १७ हजार ९२० रहेको छ । यसैगरी १ करोड ९१ लाख २५ हजार २२ नागरिकले खोप नै पाएका छैनन् ।
उता भारतको कोभिसिल्ड कम्पनीलाई खोप खरिदको लागि अग्रीम भुक्तानी दिएपनि स्वास्थ्यमन्त्री र स्थानिय एजेन्टबीच कमिसनका कुरा मिल्न नसक्दा समयमै खोप आउन सकेन । चार साताभन्दा बढी अलमलमा परेपछि भारतमा त्यही समयमा कोरोनाको दोश्रो लहर तीब्र रुपमा फैलियो ।
जुन कारण देखाउँदै भारतले खोप निर्यातमा प्रतिबन्ध लगायो । जसको मारमा अग्रमी भुक्तानी गरेपनि नेपल पर्यो । राष्ट्रपति भण्डारीले खोप किन्नका लागि मार्चमा रकम तिरिसकेको स्मरण गराउँदै भारतीय समकक्षी कोबिदलाई त्यही खोप र थप खोप पठाउने पहल गरिदिन आग्रह गर्नुभएको छ ।
