चितवन । कोरोना भाइरसको संक्रमण न्युनिकरणका लागि चितवनमा जारी निषेधाज्ञा जेठ २० गतेसम्म कायम रहने भएको छ ।
चितवनका प्रमुख जिल्ला अधिकारी प्रेमलाल लामिछानेले बुधबार सूचना जारी गर्दै निषेधाज्ञा जेठ २० गतेसम्म लम्ब्याइएको हो ।
कोरोनाको दोस्रो लहरमा संक्रमण तीव्र भएसँगै चितवनमा सुरुमा वैशाख १६ गते मध्यरातदेखि वैशाख ३१ गते मध्येरातसम्म निषेधाज्ञा जारी भएको थियो ।
त्यसपछि जेठ १३ गतेसम्म निषेधाज्ञा रहने भनिपनि संक्रमण तीव्र नै रहेका कारण निषेधाज्ञाको समय थप्नु परेको प्रमुख जिल्ला अधिकारी लामिछानेले जारी गरेको सूचनामा उल्लेखित छ ।
