काठमाडौँ । काठमाडौँको लागि उडेको मनाङ एयरको हेलिकप्टर सोलुखुम्वुको लामजुरामा दुर्घटना भएको छ ।
कोशी प्रदेशका प्रहरी प्रमुख राजेशनाथ बाँस्तोलाको अनुसार लिखुपिके गाउँपालिकास्थित लामाजुरामा हेलिकप्टर दुर्घटना भएको प्रारम्भिक सूचना आएको बताएका छन् ।
सोलुखुम्बुको सुर्केबाट उडेको मनाङ एयरको एनएलए–एमभी हेलिकप्टर सवा १० बजे सम्पर्कविहीन भएको थियो । हेलिकप्टरमा चालकसहित ६ जना यात्रु सवार थिए । जसमा सवार पाँचै जना यात्रु मेक्सिकन नागरिक भएका खुलेको छ ।
घटनास्थलतर्फ प्रहरी परिचालन गरिएको छ । दुर्घटनाको विस्तृत विवरण भने आउन बाँकी छ ।
