काठमाडौं । गायक प्रमोद खरेलले कोरोना भाइरसको संक्रमणलाई परास्त गरेका छन् । गत वर्ष पनि कोरोनाबाट संक्रमित भएका प्रमोदलाई दोस्रोपटक कोरोना संक्रमण भएको हो ।
यद्यपि दोस्रोपटक पनि उनले कोरोनालाई पराजित गरेका छन् । अहिले उनी संक्रमणबाट मुक्त भइसकेका छन् ।
“आठ महिनाको अन्तरालमा दुईपटक आक्रमण गर्यो कोरोनाले । पहिलो डोज भ्याक्सिन पनि लाएकै थियो । तर, पनि आएरै छोड्यो । र आइसोलेसन बाट आजमुक्त भइयो,” प्रमोद भन्छन्, “पहिला संक्रमण भइसकेका र खोप लगाए पनि सचेत र सुरक्षित रहौं ।”
प्रमोद सिङगिङ रियालिटी शो ‘द भ्वाइस अफ नेपाल’का कोच भएकाले ‘द भ्वाइस अफ नेपाल’को जारी सिजन संक्रमणकै त्रासका कारण हाल स्थगित छ ।
