एजेन्सी । छिमेकी राष्ट्र भारतको राजधानी नयाँ दिल्लीमा कोरोना भाइरस (कोभिड–१९) को संक्रमण नियन्त्रणको लागि लगाइएको लकडाउन खुकुलो हुने भएको छ ।
दिल्लीका मुख्यमन्त्री अरविन्द केजरीवालले शुक्रबार राज्यभर लगाइएको लकडाउन खुकुलो पार्दै आर्थिक गतिविधि पनि सुरु गरिने घोषणा गरेका हुन् ।
केजरीवाललले दिल्लीमा निरन्तर कोरोनाका नयाँ संक्रमितको संख्यामा कमी आइरहेको बताउँदै दिल्लीका मानिसहरुले लकडाउनमा पालना गरेको नियमको नतिजा अहिले देखिएको उल्लेख गरेका छन् ।
उनले भने, ‘हामीले एक महिनाभित्रमा कोरोनाको दोस्रो लहरलाई दिल्लीका मानिसहरुले नियन्त्रणमा लिएका छन् । पछिल्लो २४ घण्टामा कोरोना संक्रमणदर साढे एक प्रतिशत देखिएको छ । नयाा संक्रमितको संख्या ११ सय छ । अस्पतालमा पनि बेडको अभाव छैन । सबैतिर बेड खाली छन् ।’
केजरीवालले आगामी दिनमा कोरोना संक्रमण पुनः बढेको अवस्थामा लकडाउन खोल्नुको विकल्प बाँकी नरहने बताएका छन् ।
दिल्लीमा गत अप्रिल १९ देखि लकडाउन जारी छ ।
