काठमाडौं । नेपालमा थप ६९५१ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा देशभरका प्रयोगशालाहरुमा गरिएको परीक्षणमा उक्त संख्यामा संक्रमित पाइएको हो । यस्तै पछिल्लो २४ घण्टामा ९८४१ संक्रमित निको भएका छन् ।
यस्तै शुक्रबार कोरोनाबाट मृत्यु हुनेको संख्या ९६ रहेको छ । देशभरका प्रयोगशालाहरुमा २० हजार ११० परीक्षणमध्ये १९ हजार ३१३ पिसिआर र ७९७ एन्टिजेन विधिबाट परीक्षण गरिएको थियो ।
देशमा हालसम्म संक्रमितको संख्या ५ लाख ४९ हजार १११ पुगेको छ भने त्यसमध्ये ४ लाख २८ हजार ६७० संक्रमित निको भएका छन् ।
हालसम्म कोरोनाबाट ७ हजार ४७ जनाको मृत्यु भएको छ । देशभर सक्रिय संक्रमितको संख्या १ लाख १३ हजार ३९४ रहेको छ ।
