काठमाडौं । ललिता निवास जग्गा प्रकरणमा पक्राउ परेकाहरुमाथि प्रहरीले संगठित अपराधसम्बन्धी अनुसन्धान अघि बढाएको छ ।
सरकारी कागजात लिखत किर्ते गरेर १३४ रोपनी जग्गा हडपेको आरोेपमा प्रहरीले ९ जना विरुद्ध संगठित अपराधको कसूरमा म्याद थप गरि अनुसन्धान अघि बढाएको हो ।
जिल्ला अदालत काठमाडौंले संगठित अपराधको कसूरमा अनुसन्धान गर्न सीआईबीलाई ७ दिन को म्याद दिएको छ ।
पक्राउ परेर म्याद थप गरेकाहरुमा भाटभटेनी सुपरमार्केटका सञ्चालक मीनबहादुर गुरुङ, पूर्व निर्वाचन आयुक्त सुधीर शाह, मालपोतका तत्कालीन कर्मचारी धर्मप्रसाद गौतम, गोपाल कार्की, तत्कालीन वडा सचिव शिवजी भण्डारी, नापी सर्वेक्षक घमनकुमार कार्कीलगायतका ९ जना छन् ।
