कैलाली । राष्ट्रिय स्वतन्त्र पार्टी (रास्वपा) का सभापति रवि लामिछानेले आफूहरू अहिले सरकार परिवर्तनको खेलमा नलागेको बताउनुभएको छ ।
कैलालीमा सञ्चारकर्मीहरूसँग उहाँले आफूहरू अस्थिरताको पक्षमा नरहेको भन्दै सरकार परिवर्तनको खेलमा नरहेको बताउनुभयो ।
“हामी अस्थिरता नहोस् भन्ने चाहन्छौँ। तर, हामी अझै केही समय हेर्छौं। यही कर्मकाण्डी ढंगले चलिरहे कुनै न कुनै ढंगबाट आवश्यक निर्णय लिन्छौँ”, उहाँले भन्नुभयो ।
नेकपा (एमाले) सँग मिलेर सरकार बनाउने प्रयास हुन्छ कि हुँदैन भन्ने सञ्चारकर्मीहरुको प्रश्नमा उहाँले अहिले आफूहरू सरकार बनाउने र ढाल्ने खेलमा नलागेको प्रष्ट पार्नुभयो ।।
“सरकार ढाल्ने विषयमा हामी सहभागी छैनौँ। त्यसमा हाम्रो इन्ट्रेस्ट पनि छैन। अहिले हामी पार्टी निर्माण, संगठन विस्तारमा लागिरहेका छौँ”, उहाँको भनाइ थियो ।
