काठमाडौँ । ललिता निवासको सार्वजनिक जग्गा संरक्षण गर्न काठमाडौं महानगरपालिकाले तारबार लगाउने भएको छ।
आइतबार दिउँसो महानगर प्रहरी प्रमुख राजु पाण्डे नेतृत्वको डेढ सयभन्दा बढीको जम्बो टोली बालुवाटार पुगिसकेका छन् ।
ललितानिवास अन्तर्गतको खाली रहेको सार्वजनिक जग्गा संरक्षणका लागि महानगरले उक्त कदम चालेको नगरप्रहरी प्रमुख पाण्डेले बताए ।
प्रहरीको केन्द्रीय अनुसन्धान ब्युरोले यस प्रकरणमा अनुसन्धान गरिरहेको बेलामा महानगरले संरक्षण गर्ने भन्दै घेरा लगाउन लागेको हो। अहिले त्यहाँ राखिएका निर्माण सामग्री हटाउन निर्देशन दिइएको छ ।
महागर प्रहरीका अनुसार अहिले ललिता निवासको जग्गा यकीन गर्ने र पछि तारबार गरिने छ । लिलिता निवासको करिब १४३ रोपनी सरकारी जग्गा व्यक्तिको नाममा गरेको अभियोगमा विशेष अदालतमा १७५ जनाविरुद्ध भ्रष्टाचार मुद्दा चलिरहेको छ ।
