काठमाडौं । नेपाल सरकारले खानेपानीका उपभोक्तालाई राहत दिने प्रयास गरेको छ ।
अध्यादेशमार्फत आज प्रस्तुत आर्थिक वर्ष २०७८, ७९ को बजेट भाषण गदै अर्थमन्त्री विष्णुप्रसाद पौडेलले जेठ महिनादेखि नै २० हजार लिटरसम्म उपभोग गर्ने ग्राहस्थ उपभोक्तालाई छुट दिने निर्णय गरेका हुन् ।
अब नेपाल खानेपानी संस्थान, काठमाडौं उपत्यका खानेपानी लिमिटेड र स्थानीय तहका ग्राहस्थ उभोक्ताले खपत गर्ने मासिक २० हजार लिटर खानेपानी महशुल निःशुल्क उपभोग गर्न पाउनेछन् ।
त्यसैगरी सो बजेटमार्फत् अर्थमन्त्री पौडेलले निषेधाज्ञाको अवधीमा विद्यतुमा मासिक २० युनिटसम्म खपत गर्नेलाई शतप्रतिशत छुट दिइएको घोषणा पनि गरेका छन् ।
