काठमाडौं । आइतबार बिहान आइतबार कांग्रेस सभापति शेरबहादुर देउवाको निवास बुढानिलकण्ठमा बसेको विपक्षी दलको बैठकले अहिलेको सरकारले दीर्घकालीन कामकारवाही गर्न नमिल्ने निकर्ष निकालेको थियो ।
उक्त विपक्षी दलको बैठकले सरकारलाई दीर्घकालीन असर पर्ने कुनै पनि कामकारवाही नगर्न चेतावनी समेत दिएको थियो ।
त्यसमा प्रतिबद्धता जनाउँदै कांग्रेस सभापति शेर बहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड, एमालेका वरिष्ठ नेता माधव कुमार नेपाल, जसपा नेपालका अध्यक्ष उपेन्द्र यादव र राष्ट्रिय जनमोर्चाका दुर्गा पौडेलले संयुक्त हस्ताक्षर गरेका थिए ।
त्यसमा प्रधानमन्त्रीका प्रेस सल्लाहकार सुर्य थापाको नजर सिधै माधव कुमार नेपालको हस्ताक्षरमा पर्यो । वरिष्ठ नेताको दर्जामा नेपाल नरहेको र हस्ताक्षर गर्दै हिड्न एमालले कहिल्यै नखटाएको भन्दै थापा सिधै नेपालमाथी खनिए ।
सल्लाहकार थापाले वक्तव्यलाई साभार गर्दै सामाजिक सञ्जाल ट्वीटरमा लेखेका छन्,
अनाधिकृत कार्य-
विघटित प्रतिनिधि सभामा विपक्षी दलका नेता शेरबहादुर देउवासहितले जारी गरेको वक्तव्यमा माधवकुमार नेपालको हस्ताक्षर अनाधिकृत छ।
नेकपा(एमाले)मा वरिष्ठ नेताको दर्जामा उहाँ हुनुहुन्न र हस्ताक्षर गर्दै हिड्न सम्बन्धित दलले कहिल्यै खटाएको पनि छैन।
अझै विधि र पद्धति!
अनाधिकृत कार्य-
विघटित प्रतिनिधि सभामा विपक्षी दलका नेता शेरबहादुर देउवासहितले जारी गरेकाे वक्तव्यमा माधवकुमार नेपालकाे हस्ताक्षर अनाधिकृत छ।
नेकपा(एमाले)मा वरिष्ठ नेताकाे दर्जामा उहाँ हुनुहुन्न र हस्ताक्षर गर्दै हिड्न सम्बन्धित दलले कहिल्यै खटाएकाे पनि छैन।
अझै विधि र पद्धति! pic.twitter.com/QpBnc9Wm3S— Surya Thapa (@ThapajiSurya) May 30, 2021
