बुटवल । राष्ट्रियसभा उपनिर्वाचन (लुम्बिनी प्रदेश)मा २९७ जनाले मतदान गरेका छन् ।
स्थानीय तहका प्रमुख र उपप्रमुख गरी २१४ जनाले मतदान गरेका थिए भने लुम्बिनी प्रदेशसभाका सबै ८३ सदस्यले मतदान गरेका हुन् ।
प्रदेश निर्वाचन कार्यालयका अनुसार स्थानीय तहतर्फ भने बाँकेको नेपालगञ्ज उपमहानगरपालिकाका प्रमुख र नरैनापुर गाउँपालिकाका अध्यक्ष तथा गुल्मीको गुल्मी दरबार गाउँपालिकाका अध्यक्षले अहिलेसम्म मतदान गरेका छैनन् । मतदान गर्ने समय ३ बजेसम्म तोकिएको छ । उपनिर्वाचनमा ३०० जना मतदाता रहेका थिए ।
उपनिर्वाचनको मतगणना आजै साढे ३ बजेपछि सुरु हुने बताइएको छ ।
निर्वाचनमा नेकपा एमालेको तर्फबाट चन्द्रबहादुर खड्का र विपक्षी गठबन्धनका तर्फबाट दृगनारायण पाण्डे उम्मेदवार रहेका छन् । पाण्डे नेपाली कांग्रेस, नेकपा माओवादी केन्द्र, जनता समाजवादी पार्टी (जसपा) र राष्ट्रिय जनमोर्चा पार्टीका साझा उम्मेदवार छन् ।
