काठमाडौं । नेकपा एमालेले पार्टीमा विवाद समाधानका लागि गठित कार्यदल पुनर्गठन नभएसम्म अन्य संयन्त्रबाट छलफल चलाउने भएको छ ।
आज प्रधानमन्त्री निवास बालुवाटारमा बसेको स्थायी कमिटी बैठकपछि सञ्चारकर्मीसँग कुरा गर्दै एमाले प्रवक्ता प्रदिप ज्ञवालीले एकताको लागि अन्य संयन्त्रबाट पहल भइरहेको बताउनुभयो । अहिले वार्ता टोली क्रियाशील नरहेको उहाँको भनाई छ ।
वार्ता टोलीमा रहेका कतिपय नेता कारवाहीमा परेकाले अर्को निर्णय नभएसम्म अन्य संयन्त्रबाट एकताको पहल भइरहेको उहाँले बताउनुभयो ।
वार्ता टोलीमा रहनुभएका माधव नेपाल पक्षको संयोजक रहनुभएका भीम रावल साधारण सदस्यबाटै निष्कासित हुनुहुन्छ । जसकारण दुवै पक्षबीच भएका वार्तामा उहाँबाहेकका नेताहरु बस्ने गरेका छन् ।
