काठमाडौं । स्पेनिस फुटबल क्लब बार्सिलोनाले युवा डिफेन्डर एरिक गार्सियालाई अनुबन्ध गरेको छ ।
इंग्लिस प्रिमियर लिग क्लब म्यानचेस्टर सिटीबाट गार्सियालाई बार्सिलोनाले क्लबमा भित्र्याएको हो । उनी बार्सिलोनाकै एकेडेमीका उत्पादन हन् । उनी सन् २०१७ मा सिटी गएका थिए ।
बार्सिलोनाले गार्सियासँग सन् २०२६ सम्मको सम्झौता गरेको छ । बार्सिलोनाले २० वर्षीय डिफेन्डरको रिलिज क्लज ४०० मिलियन युरो राखेको छ ।
गार्सियाले सिटीका लागि यो सिजन प्रिमियर लिगमा ६ खेल खेलेका थिए । उनले फेरि बार्सिलोनामा फर्किन पाउँदा खुसी व्यक्त गरेका छन् ।
