काठमाडौं । लामो समयसम्म विवादबाट घेरिँदै आएको जनता समाजवादी पार्टी नेपाल (जसपा) आजबाट औपचारिक रूपमै विभाजित भएको छ ।
जसपाका पहिलो वरियताका अध्यक्ष महन्थ ठाकुरसहित चार नेतालाई निष्कासन गरिएको पत्र अर्का अध्यक्ष उपेन्द्र यादवले निर्वाचन आयोगमा पठाएपछि पार्टी विभाजित भएको हो ।
यादवपक्षीय जसपाको कार्यकारिणी समिति बैठकले आजै ठाकुरसहित राजेन्द्र महतो, लक्ष्मणलाल कर्ण र सर्वेन्द्रनाथ शुक्ललाई पार्टीको साधारण सदस्यसबाट निष्कासनको घोषणा गरेको थियो ।
यादवले निर्वाचन आयोगलाई उक्त निर्णयको जानकारी गराई दलको दर्ता किताबबाट नाम हटाउन अनुरोध गरेका छन् । आयोगमा दुवै अध्यक्षको नाम दर्ता भएको छ ।
तत्कालीन नेकपाको विवाद जस्तै जसपाको विवाद पनि निर्वाचन आयोगमा पुगेको छ ।
