काठमाडौं । चीनबाट खोप आएलगत्तै खोप अभियान शुरु गरिने भएको छ । यस पटकको चिनियाँ खोप ६०-६५ वर्ष उमेर समूहलाई जेठ २५ गतेबाट दिइने मन्त्री हृदयश त्रिपाठीले बताउनुभयो ।
पाँच दिन भित्र देशभरका सबै जिल्लामा खोप पुर्याइने बताइएको छ । यसअघि ६५ वर्ष माथिकालाई ६३ जिल्लामा र १४ जिल्लामा ५५ वर्षमाथिकालाई खोप दिइएको थियो।
चीनले अनुदानमा उपलब्ध गराएको कोरोनाभाइरसविरुद्धको १० लाख डोज खोपमध्ये ८ लाख मंगलबार काठमाडौं आइसकेको छ । बाँकी दुई लाख डोज खोप मध्ये एक लाख डोज खोप पनि चीनको कुन्मिङबाट हिमालयन एअरलाइन्सको विमानले काठमाडौं ल्याएको छ ।
यस्तै १ लाख डोज खोप बुधबार कुन्मिङबाटै हिमालयन एअरलाइन्सकै विमानले ल्याउनेछ । स्वास्थ्य तथा जनसंख्या मन्त्रालयका अनुसार जेठ २५ गतेबाट खोप अभियान शुरु गरिने भएको छ ।
