काठमाडौं । कोरोना महामारीविरुद्ध लड्न फ्रान्स सरकारले ७ टन बराबरको स्वास्थ्य सामग्री नेपाललाई सहयोग गरेको छ । नेपाल सरकारले गरेको सहायताको अपिल अनुसार फ्रान्सको सरकारले मास्क, एन्टिजेन किट, रेस्पिेटर र भाइजरहरु सहयोग गरेको हो ।
स्वास्थ्य सामग्रीसहित एयरबस ए३५० विमान आज त्रिभुवन विमानस्थलमा अवतरण गरेको थियो । यसमा ५ लाख ४ हजार एफएफपी २ मास्क, २० हजार २२५ एन्टिजेन टेस्ट किट, १२ हजार प्रोटेक्सन ग्लास, १४ वटा रेस्पिेटरहरु रहेका छन् ।
स्वास्थ्य सामग्रीसहित एयरबस ए३५० विमान आज त्रिभुवन विमानस्थलमा अवतरण गरेको थियो । यसमा ५ लाख ४ हजार एफएफपी २ मास्क, २० हजार २२५ एन्टिजेन टेस्ट किट, १२ हजार प्रोटेक्सन ग्लास, १४ वटा रेस्पिेटरहरु रहेका छन् । #Nepal #HealthEquipments #HealthCare #Kits #AntigenTestKit #Respirators #France #FightAgainstCovid19
फ्रान्सका राजदूत फ्रांकोइस ह्याभिर लेगरले एक समारोहबीच स्वास्थ्य तथा जनसङ्ख्यामन्त्री हृदयेश त्रिपाठीलाई सहयोग सामग्री हस्तान्तरण गर्नुभयो। स्वास्थ्य सामाग्री हस्तान्तरण गर्दै लेगरले कोरोना महामारीविरुद्ध नेपालको लडाइँमा फ्रान्स सधैँ साथमा रहेको बताउनुभयो । यो महामारीविरुद्ध वैश्विकै सहकार्य आवश्यक रहेको बताउँदै फ्रान्सहित युरोपियन युनियनका अन्य सदस्य राष्ट्रहरु नेपाल र नेपाली जनतालाई सहयोग गर्न प्रतिबद्ध रहेको बताउनुभयो ।
