काठमाडौं । काठमाडौंको चन्द्रागिरी नगरपालिका–१३ स्थित पुरानो नैकापमा ढिस्कोमा पुरिएर दुईजनाको मृत्यु भएको छ ।
बधुबार पर्खाल लगाउने क्रममा ढिस्को खस्दा दुई जनाको मृत्यु भएको हो ।
उदयपुर बेलुवा–८ घर भएकी ३५ वर्षिया सीता राई र मकवानपुर राक्सिङ गाउँ पालिका–९ घर भएका २० वर्षिय टेकबहादुर चेपाङको ढिस्कोमा पुरिएर मृत्यु भएको हो ।
यस्तै पर्खालले थिचेर उदयपुर कटारी घर भएका २१ वर्षका मिलन तामाङ र धादिङ गल्छी गाउँ पालिका घर भएका १८ वर्षिय हरि घले गम्भीर घाइते भएको प्रहरीले जनाएको छ ।
