चितवन । करिब ३ अर्ब लागतमा जनस्तरबाट अभियान सञ्चालन गरी धुर्मुस–सुन्तली फाउन्डेसनद्वारा निर्माण गर्ने लक्ष्यमा अघि बढेको चितवनको भरतपुरस्थित गौतम बुद्ध अन्तर्राष्ट्रिय क्रिकेट रंगशालामा दुवो रोप्ने कामको थालनी भएको छ ।
रंगशाला निर्माणका लागि गत वर्षको माघमा लगाइएको बृहत् धनधान्याचल महोत्सवबाट ८ करोड ४६ लाख ३० हजार नगद संकलन भएको थियो भने देश तथा विदेशमा रहने जनस्तरबाटै सहयोग प्राप्त भएसँगै रंगशाला निर्माणको काम निरन्तर जारी छ ।
