काठमाडौं । नेपाली कांग्रेस कर्णाली प्रदेश सरकारमा जाने भएको छ । कर्णली प्रदेशमा मुख्यमन्त्री महेन्द्रबहादुर शाहीलाई विश्वासको मत दिएको कांग्रेस दुई मन्त्रालयसहित सरकारमा जान लागेको हो ।
कांग्रेस संसदीय दलका नेता जीवनबहादुर शाहीले महामारीका बेला सरकारका कामलाई प्रभावकारी बनाउन सरकारमा सहभागी हुने बताए ।
‘आर्थिक वर्ष २०७८/७९ को बजेट पनि आउन लागेको छ । सरकारलाई सकारात्मक ढंगले अगाडि बढाउन हामी सरकारमा सहभागी हुनेछौँ,’ उनले भने, ‘महामारीका बेला सरकारका काम प्रभावकारी बनाउन सरकारमा सहभागी हुन लागेका हौं ।’
कांग्रेसले जलस्रोत तथा उर्जा विकास मन्त्रालयमा दीनबन्धु श्रेष्ठ र सामाजिक विकास मन्त्रालयमा यज्ञबहादुर बीसीलाई पठाउने भएको छ ।
मुख्यमन्त्री शाही निकट स्रोतले दिएको जानकारी अनुसार कांग्रेस २ जना मन्त्री सरकारमा सहभागी हुने र भोलि (शुक्रबार) थपिएका मन्त्रीको शपथ ग्रहण गराइनेछ ।
