रंगेली । मोरङको कर्सिया बजारमा आगलागी हुँदा लाखौ रुपैयाँ बराबरको क्षती भएको छ। जिल्लाको धनपालथान गाउँपालिका ४ स्थित कर्सिया बजारमा विद्युत सट भई आगलागी हुँदा लाखौ रुपैयाँ बराबरको क्षती भएको प्रहरीले जनाएको छ ।
प्रहरीका अनुसार रंगेली २ मंगलबारे घर भएका राजेन्द्र शर्माको फर्निचर उद्योग र रंगेली बडा नम्बर २ घर भएका बद्रि कुमार कार्कीले २० वर्षदेखि सञ्चालनमा रहेको खाजा पसलमा आगलागी भएको छ। कोरोनाको समयमा खाजा पसल र फर्निचर उद्योगसमेत बन्द भएको समय विद्युत सट भई आगलागी भएको रंगेली प्रहरी जनाएको छ।
आगलागी फर्निचरबाट बिहान ९ बजेदेखि सुरू भएको र डेढ घन्टापछि आगो नियन्त्रणमा लिएको प्रहरीले जनाएको छ। कार्की होटलमा रहेको ग्यास, फ्रिजलगायत १० लाख बराबरको क्षति भएको छ।
फर्निचर उद्योगमा रहेको काठ, फर्निचर, मोटरलगायत ६० लाख बराबरको क्षति भएको राजेन्द्र शर्माले बताए।
