काठमाडौं। प्रदेश २ का मुख्यमन्त्री लालबाबु राउतले सरकारलाई चेतावनी दिनु भएको छ । उहाँले व्यापारघाटा न्यूनीकरण गर्न खानीजन्य ढुंगा, गिटी र बालुवा निर्यात गर्ने केन्द्र सरकारको निर्णय सच्याउन माग गर्नुभएको हो।
मुख्यमन्त्री राउतले विज्ञप्तिमा भन्नुभयो “नेपाल सरकारको वक्तव्यलाई सच्याउन आग्रह गर्नुका साथै यस्तो कार्य तत्काल नरोकिए तराई(मधेसको चुरे संरक्षण र प्राकृतिक सम्पदाको रक्षार्थ प्रदेश सरकारले आवश्यक निर्णय लिनेछ।” उहाँले निर्णय नसच्चिए आफैले आवश्यक कदम चाल्ने चेतावनी पनि दिनुभएको छ ।
