काठमाडौँ । यस वर्षको मनसुन नेपाल भित्रिएको छ ।
जल तथा मौसम विज्ञान विभाग, मौसम पूर्वानुमान महाशाखाले मौसमी बुलेटिन प्रकाशित गर्दै आज (बुधबार) नेपालको कोशी प्रदेश, पूर्वी मधेस प्रदेश, बागमती प्रदेशका अधिकांश भूभाग र गण्डकी प्रदेशका पूर्वी भूभागमा मनसुन आगमन भएको जनाएको छ ।
नेपालमा मनसुन भित्रिने सरदर मिति जुन १३ भए पनि यस वर्षको मनसुन सरदर मितिभन्दा एक दिन ढिलो गरी नेपाल प्रवेश गरेको हो । महाशाखाका अनुसार नेपालका अन्य भूभागहरुमा भने केही दिनमा क्रमिकरुपमा मनसुन अगाडि बढ्ने देखिन्छ ।
