काठमाडौं । काठमाडौं महानगरपालिकाले कानूनी रुपमा सञ्चालन नभएको दुई वटा स्वास्थ्य संस्थामा ताला लगाएको छ ।
अनुगमनका क्रममा अनुगमनका क्रममा कानून अनुसारको सेवा नदिएको र अस्तव्यत रहेको पाइएपछि तालबन्दी गरिएको महानगरका मेयर बालेन शाहले जानकारी दिए।
महानगरपालिकाले यसअघि जेठ ६ गते असाहय विपन्नसहित लक्षित वर्गलाई कुल शैय्याको १० प्रतिशत निस्शुल्क उपचार गर्नुपर्ने सूचना जारी गरेको थियो । तर, उक्त सेवा नदिएको पाइएपछि महानगरले तालबन्दी गरेको हो ।
साथै, तालबन्दी गरिएका दुई संस्थाको थप सघन अनुगमनका लागि महानगरले स्वास्थ्य विभागलाई निर्देशन दिएको छ ।मेयर शाहले
लोकप्रियताका लागि नभइ कानुनमा भएको व्यवस्था अनुसार स्वास्थ्य सेवा सर्वसाधारणको सेवामा पुर्याउन यो काम गरिएको स्पष्ट पारे। उनले सबैको पहुँच स्थापित हुने गरी सुधार नभए महानगर क्षेत्रभित्रका प्रदेश र संघ मातहतका अस्पतालमा पनि कानूनी कारबाही गरिने चेतावनी समेत दिए ।
