काठमाडौं । नेकपा एमालेको माधव कुमार नेपाल-झलनाथ खनाल समूहको केन्द्रीय कमिटी बैठक सुरु भएको छ । नेपाल-खनाल समूहको केन्द्रीय कमिटीको भर्चुअल बैठक भर्खरै सुरु भएको हो ।
बिहीबारबाट जारी छलफलमा केहि सदस्यहरु र नेता नेपालले आफ्नो धारणा राख्न बाँकी रहेकाले बैठकमा आफ्नो धारणा राखेर टुंग्याउने तयारी रहेको केन्द्रीय सदस्य राजेन्द्र राईले जानकारी दिए ।
भेलामा केही नेताहरुले भने एकताका लागि अन्तिम समयसम्म प्रयत्न जारी राख्नुपर्ने बताए पनि कतिपय सदस्यहरुले एमाले अध्यक्ष तथा प्रधानमन्त्री केपी शर्मा ओलीसँग मिल्न नसकिने भएकाले फरक पार्टी बनाउन सुझाव दिएका छन् ।
खनाल–नेपाल समूहले २०७५ जेठ २ को कमिटी संरचनामा ओली फर्कन चाहे एकता सम्भव हुने बताइरहेका छन् ।
