काठमाडौं । नेकपा एमालेका नेता गोकर्ण विष्टले ओली प्रवृत्तिलाई परास्त गरेर सबल पार्टी निर्माणमा केन्द्रित हुनुपर्ने बताएका छन् ।
शुक्रबार खनाल–नेपाल समूहको पार्टी केन्द्रीय सदस्यहरू भर्चुअल बैठकमा बोल्दै नेता विष्टले सो कुरा उल्लेख गर्दै त्यसो नभए नयाँ पार्टी गठनमा अघि बढ्नुपर्ने बताएका हुन् ।
नयाँ पार्टी निर्माण गरौं, तर अर्को उस्तै पार्टी मात्र नबनाऔं । जनजीविका, जनता र राष्ट्रको पक्षमा हुने पार्टी बनाऔं’, उनले भने, एकता मुद्दा र विचारमा हो, विलीन हुने होइन । हामी ओलीको षडयन्त्र र स्वेच्छाचारिताबारे सचेत छौं ।’
उनले पार्टी एकता, कम्युनिस्ट आन्दोलनको रक्षा र विकास हुन्छ भने इमान्दार प्रयास किन नगर्ने भनेर पार्टी अध्यक्ष केपी ओलीसँगको संवादलाई निरन्तरता दिएको प्रष्ट्याए । ‘हामीले हाम्रोतर्फबाट इमानदार प्रयास गरेका हौँ । यसको ध्येय आन्दोलन बचाउनु नै हो,’ उनले भने ।
