काठमाडौं । वर्तमान केपी ओलीको सरकारमा रघुवीर महासेठ दम्पत्ति पालैपालो मन्त्री भएका छन् । यसअघि २०७४ चैत २ गते भएको मन्त्रिपरिषद् विस्तारमा भौतिक पूर्वाधार मन्त्री भएका रघुवीर महासेठ २०७७ पुस १० गतेको मन्त्रिमण्डल हेरफेरमा बाहिरिएका हुन् ।
५ पुसमा प्रधानमन्त्री ओलीले एकलौटीरूपमा संसद् विघटन गर्ने निर्णय लिएसँगै मन्त्रिपरिषद्मा रहेका माधवकुमार नेपाल पक्ष र पुष्पकमल दाहाल ुप्रचण्डु पक्षका मन्त्रीहरूले राजीनामा दिएसंगै दाहाल-नेपाल समूहमा आएकी महासेठकी श्रीमती जुलीकुमारी महतो मन्त्री हुने भएपछि ओली समूहमा फर्किइन्।
त्यसपछि महासेठकी श्रीमती महतोलाई ओलीले महिला बालबालिका मन्त्रीको जिम्मेवारी दिएर मन्त्रिपरिषदमा ल्याए। हाल मन्त्रिपरिषद् पुनर्गठन गर्दा महतो बाहिरिने भएसंगै ओलीले महासेठलाई उपप्रधानमन्त्रीसहित परराष्ट्र मन्त्रालयको जिम्मेवारी दिने भएका हुन् ।
