काठमाडौं । राष्ट्रिय जनस्वास्थ्य प्रयोगशाला टेकुमा कार्यरत् अधिकृत छैठौं तहका ल्याव टेक्निसियन ५० हजार घुससहित पक्राउ परेका छन् ।
अख्तियार दुरुपयोग अनुसन्धान आयोगको टोलीले ल्याव टेक्निसियन लेखनाथ भट्टराईलाई सेवाग्राहीबाट घुस लिँदै गरेको अवस्थामा शंखमुलबाट नियन्त्रणमा लिएको हो ।
अख्तियार स्रोतको अनुसार भट्टराईले ल्याव दर्ता प्रक्रियाका लागि सहजीकरण गरिदिने भन्दै घुस मागेका थिए ।उनीमाथि आवश्यक छानबिन भइरहेको बताइएको छ ।