काठमाडौं । अस्ट्रेलियाले नेपाली सेनालाई स्वास्थ्य सामग्री सहयोग गरेको छ । अष्ट्रेलियन एयर फोर्सको जहाजले शनिबार काठमाडौं ल्याएको स्वास्थ्य सामग्री नेपालका लागि अस्ट्रेलियाली राजदुत फेलीसिटी जेन भोकले बलाधिकृत रथी प्रभुराम शर्मालाई हस्तान्तरण गर्नुभएको हो ।
त्रिभुवन अन्तर्राष्ट्रिय विमानस्थलमा आयोजित एक कार्यक्रमकाबीच राजदुत फेलीसिटी जेन भोकले सेनाका स्वास्थ्यकर्मीहरुको सुरक्षार्थ आवश्यक पर्ने विभिन्न स्वास्थ्य सामाग्रीहरु बलाधिकृत रथी प्रभुराम शर्मालाई हस्तान्तरण गर्नुभएको हो ।
उक्त कार्यक्रममा बलाधिकृत रथी प्रभुराम शर्माले मित्रराष्ट्र अष्ट्रेलियाले गरेको सहयोगप्रति धन्यवाद प्रकट गर्नुभएको थियो ।
