विश्व लनटेनिस प्रतियोगिता अन्तर्गत फ्रेन्च ओपन निकै प्रतिष्ठित खेल प्रतियोगिता मानिन्छ । यो ग्रान्डस्लाम प्रतियोगिता फ्रान्सको राजधानी पेरिसमा यतिबेला जारी छ । लकडाउनका दिनमा फ्रेन्च ओपनले टेनिसमा रुचि हुनेहरुलाई भरपुर मनोरञ्जन दिइरहेको छ ।
फ्रेन्च ओपनको क्ले कोर्टमा जारी भिडन्त निकै रोचक छ ।
गत मे २४ तारिखबाट शुरु भएको यो खेल आगामी जुन १३ तारिखसम्म चल्नेछ । हालसम्म तेस्रो राउन्डका खेलहरु जारी छन् । अर्थात् आइतबारदेखि चौथो राउन्डका खेलहरु हुनेछन् ।
यस प्रतियोगितामा विश्वका सर्वश्रेष्ठ खेलाडीहरुको अवस्था सुदृढ देखिएको छ । नयाँ र वरियतामा तल्लो स्तरमा रहेका खेलाडीहरुले माथिल्लो वरियताका खेलाडीलाई सामान्य चुनौती मात्र दिएका छन् ।
पुरुष एकलतर्फ तेस्रो राउन्डका खेलहरुमध्ये अर्जेन्टिनाका डिएगो स्वार्जम्यानले जर्मनीका पी कोल्सस्राइबरलाई ६–३, ६–२ र ६–१ को सोझो सेटमा पराजित गरेका छन् । उनी अब चौथो राउन्डमा प्रवेश गरेका छन् ।
त्यस्तै, स्टिफानाेस चिचिपासले अमेरिकी जे इस्नरलाई ६–३, ७–६, ६–१ ले पराजित गरेका छन् । आजै जे सिनर र एम येमर, अल्काराज गार्सिया र जे स्ट्रफ, नोभाक जोकोभिच र आर बेरानकिस, राफेल नाडाल र सी नोरी, बेरेन्टिनी र एस क्वोनबीच खेल हुँदैछ ।
तेस्रो चरणको एउटा खेल आइतबार रोजर फेडरर र डी कोफरबीच हुँदैछ ।
महिला एकलतर्फ भने तेस्रो राउन्डमा अमेरिकी किशोरी स्लोन स्टिफेन्सले चेक रिपब्लीककी कारोलिना मुचोभालाई संघर्षपूर्ण खेलमा ६–३, ७–५ ले पराजित गरिन् । अन्य सातवटा खेलहरु आजै हुँदैछन् ।
गत वर्ष सन् २०२० को फ्रेन्च ओपनको उपाधि पुरुष एकलतर्फ राफेल नाडालले जितेका थिए । उनले फाइनलमा चिरप्रतिद्वन्द्वी नोभाक जोकोभिचलाई पराजित गरेका थिए । नाडालको यो १३ औं फ्रन्च ओपन उपाधि थियो ।
महिलातर्फ भने पोल्यान्डकी इगा स्वाइटेकले सोफिया केनिनलाई पराजित गरेर उपाधि उचालेकी थिइन् । यो उनको पहिलो उपाधि थियो । कुनै पनि पोल्याण्डका खेलाडीले फ्रेन्च ओपन जितेको पनि यो पहिलो अवसर थियो ।
––
