काठमाडौंः नेपाल आयल निगमले अन्तर्राष्ट्रिय बजारमा पेट्रोलियम पदार्थको मूल्यवृद्धि भएको जनाउँदै शनिबार रातिदेखि लागू हुने गरी पेट्रोल, डिजेल र हवाई इन्धनको मूल्य बढाएको छ ।
निगमका अनुसार पेट्रोल, डिजेल, मट्टितेल र हवाई इन्धनमा प्रति लिटर दुई रुपैयाँ वृद्धि भएको छ । नयाँ मूल्यसूची अनुसार काठमाडौंमा पेट्रोल प्रति लिटर रु. १२५, डिजेल र मट्टितेल प्रति लिटर रु. १०८ र हवाई इन्धन प्रति लिटर रु. ८० कायम भएको छ ।
स्वचालित मूल्य प्रणाली बमोजिम गरिएको उक्त समायोजन आजै (शनिबार) राति १२ बजेदेखि लागू भएको निगमले जनाएको छ ।
नयाँ मूल्य कायम गरिए पछि पनि निगमलाई पन्ध्र दिनमा करिब ५९ करोड घाटा हुनेछ । एलपी ग्याँस र डिजेलको कारोबारबाट क्रमशः रु. ३८ करोड र रु १८ करोड घाटा हुने निगमको भनाई छ । उक्त घाटा मूल्य स्थिरिकरण कोष र निगमको संचित नाफाबाट व्यहोरिने पनि निगमले जनाएको छ ।
निगमले यसअघि गत जेठ २ गते पेट्रोल, डिजेल मट्टितेल र हवाई इन्धनको मूल्यमा प्रति लिटर रु. २ वृद्धि गरेको थियो ।
—
