एजेन्सी । दिल्लीका मुख्यमन्त्री अरविन्द केजरीवालले आइतवार पत्रकार सम्मेलन गरेका छन् ।
उनले दिल्लीमा घर-घर राशन योजनामा केन्द्र सरकारले प्रतिबन्ध लगाएपछि पत्रकार सम्मेलन गरेका हुन् ।
"घर घर राशन योजनाको सबै तयारी भइसकेको थियो । अचानक दुई दिन अगाडी आएर किन रोक्नु भयो ?" उनले प्रधानमन्त्री नरेन्द्र मोदीलाई प्रश्न गर्दै भने, "फोनको सहयोगबाट घरघरमा पिज्जार बर्गर पठाँउन सकिन्छ भने राशन किन सकिन्न ? पैशाहुनेहरुले त पिज्जा मगाएर खान्छन् तर ति गरिबहरले के खान्छन ? उनीहरुको कुरा कसले सुन्ने ?"
शनिबारमात्र मुख्यमन्त्री केजरीवालले दैनिक कोभिड–१९ सङ्क्रमण दरमा गिरावट आएपछि नयाँ दिल्ली र वरपरका क्षेत्रमा आउँदो हप्तादेखि लकडाउनलाई थप खुकुलो पार्ने बताएका थिए ।