एजेन्सी । बलिउड अभिनेता सोनू सुदलाई गरिबको मसीहा भनिन्छ । उनले कोरोनाकालदेखि अहिलेसम्म धेरैलाई सहयोग गरिसकेका छन् । हालै सोनुले आफ्नो सोसल मिडिया अकाउन्टमा एउटा भिडियो सेयर गरेका छन्, जसमा उनी एक व्यक्तिसँग इँटा बनाउँदै गरेको देखिन्छ ।
सोनू सुद इँटा भट्टामा देखिन्छन् । यस क्रममा उनीसँगै एक मजदुर पनि देखिन्छन् । भिडियोमा सोनू भन्छन्, ‘रञ्जित मसँगै छन् । रञ्जितले २२ वर्षदेखि इँटाभट्टामा इँटा बनाउँदै आएका छन् । इँटाले हाम्रो घर बनाउँछ र हामी घर भित्र आरामसँग बस्छौं ।’ यसपछि सोनू माटोको सहायताले इँटा बनाउँदै गरेको देखियो ।
इँटा बनाएपछि सोनुले मजदुरलाई सोधे – कस्तो बन्यो ? रञ्जित हाँस्दै भने, ‘राम्रो बनेन ।’ यसपछि सोनू फेरि इँटा बनाउँदै देखिए । सोनूको यो भिडियोलाई सामाजिक सञ्जालमा निकै मन पराइँदैछ ।
सोनू सूद चाँडै फिल्म ‘फतेह’ मा देखिनेछन् । यो एक एक्शन थ्रिलर फिल्म हो, जुन पंजाबमा मात्र आधारित छ । सोनु फिल्म फतेहमा बलियो खलनायकको भूमिकामा देखिनेछन् । सोनु सुदको आफ्नै होम प्रोडक्सन शक्ति सागर प्रोडक्सनको ब्यानरमा फिल्म निर्माण भइरहेको छ ।
