काठमाडौं । सिंहदरबारमा मन्त्रिपरिषदको बैठक सुरु भएको छ । भोलि जेठ १५ गते मनाइने गणतन्त्र दिवसको अवसरमा कैदी वन्दीको सजाय माफको सिफारिस लगायतका विषयमा छलफल गर्न बैठक बसेको हो ।
सरकारले टिकापुर हत्याकाण्डमा दोषी ठहर भइ जन्मकैदको सजाय भोगिरहेका नागरिक उन्मुक्ति पार्टीका नेता रेशम चौधरीको सजाय माफ गर्ने तयारी गरेको छ । यसअघि राष्ट्रपति कार्यालयले चौधरीको सजाय माफसम्बन्धि पत्र गृह मन्त्रालयमा फिर्ता गरिदिएको थियो । मन्त्रिपरिषदको सिफारिसमा राष्ट्रपतिबाट सजाय माफ हुने संवैधानिक व्यवस्था छ ।
कैदी बन्दीको सजाय माफबारे शनिबारको बैठकमै निर्णय हुने बताईएको थियो । तर निर्णय हुन सकेको थिएन । आजको बैठकमा
सोमबार सार्वजनिक हुने बजेटका प्राथमिकता र प्रधानमन्त्रीको भारत भ्रमणको विषयमा पनि छलफल हुने बताईएको छ ।
