२९ आश्विन २०८१, मंगलवार
,
Latest
अनिरुद्धाचार्यले सलमानको खुट्टा छोएको तस्बिर भाइरल, नक्कली तस्बिर बनाउने अभियुक्त पक्राउ नेपालद्वारा शान्ति सेनामाथि लेबनानमा भएको इजरायली आक्रमणको निन्दा घरको कुन दिशामा राख्ने मनी प्लान्ट ? सपनामा यी कुराहरु देख्नुभएमा तपाईको भाग्य चम्किन्छ अन्तर व्यवस्थापिका सङ्घसँग घनिभूत सहकार्य गर्ने नेपालको चाहना पैसा खर्च गर्नुअघि यी पाँच कुरामा विशेष ध्यान दिनुहोस् भुलेर पनि यी खानेकुरा सँगसँगै नखानुहोस् नागरिक तहमा प्रश्न नउठ्ने गरी सतर्कतापूर्वक काम गर्न सुरक्षा निकायलाई गृहमन्त्रीको निर्देशन कोरला नाकाको पूर्वाधार निर्माणलाई उच्च प्राथमिकतामा राखौँ: अध्यक्ष ढकाल आजबाट खुले सरकारी कार्यालय
तपाईं के खोज्दै हुनुहुन्छ ?

अन्तर्राष्ट्रिय गोलमा सुनील क्षेत्रीले मेसीलाई उछिने



अ+ अ-

एजेन्सी । भारतीय राष्ट्रिय फुटबल टिमका कप्तान सुनील क्षेत्रीले अन्तर्राष्ट्रिय गोल संख्यामा अर्जेन्टिनी तथा स्पेनिस क्लब बार्सिलोनाका स्टार फुटबल खेलाडी लियोनल मेसीलाई उछिनेका छन् । 

विश्वकप छनोटअन्तर्गत सोमबार दोहास्थित जसिम बिन हमाद रंगशालामा बंगलादेशविरुद्धको खेलमा २ गोल गर्दै क्षेत्रीले मेसीलाई उछिनेका हुन् । 

उक्त खेलमा भारत २–० ले विजयी बनेको थियो । क्षेत्रीको उत्कृष्ट प्रदर्शनमा विश्वकप २०२२ को छनोटमा भारतले पहिलो जित पनि हात पारेको छ । भारतले खेलेका ७ मध्ये यसअघि ३ खेलमा बराबरी र ३ मा हार ब्यहोरेको थियो । 

योसँगै सुनीलले आफ्नो अन्तर्राष्ट्रिय गोल संख्या ७४ पुर्‍याएका छन् ।

सन् २००५ को जुन १२ मा पाकिस्तानविरुद्धको खेलमा डेब्यु गरेका उनले अहिलेसम्म ११७ वटा अन्तर्राष्ट्रिय खेल खेलेका छन् ।  

समूह ‘ई’ मा रहेको भारत ६ अंकसहित तेस्रो स्थानमा छ । समूहमा कतार २२ अंकसहित पहिलो र ओमान १२ अंकसहित दोस्रो स्थानमा रहेको छ ।

यता मेसीले भने गत बिहीबार चिलीविरुद्ध पेनाल्टीमार्फत गोल गर्दै आफ्नो गोलसंख्या ७२ पुर्‍याएका थिए । मेसीले अर्जेन्टिनाबाट १४३ खेल खेलेका छन् । सक्रिय खेलाडीमध्ये भने पोचुर्गलका क्रिस्टियानो रोनाल्डोको नाममा सबैभन्दा बढी १०३ अन्तर्राष्ट्रिय गोल रहेको छ । रोनाल्डोले पोर्चुगलका लागि १७४ खेल खेलेका छन् ।

अन्तर्राष्ट्रिय फुटबलमा सबैभन्दा बढी गोल गर्ने खेलाडी इरानका अली दाई हुन् । उनले १४९ खेलबाट १०९ गोल गर्दै कीर्तिमान बनाएका छन् ।