काठमाडौं । नेपालमा थप ५१५३ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा देशभरका प्रयोगशालाहरुमा गरिएको परीक्षणमा उक्त संख्यामा संक्रमित पाइएको हो ।
यस्तै पछिल्लो २४ घण्टामा ६५७० संक्रमित निको भएका छन् । मंगलबार कोरोना संक्रमणबाट १०८ जनाले ज्यान गुमाएका छन् ।
स्वास्थ्य मन्त्रालयका अनुसार पछिल्लो २४ घण्टामा १२ हजार ६५ को पिसिआर र ५ हजार ६११ जनाको एन्टिजेन विधिबाट परीक्षण गरिएको हो ।
योसँगै देशभर पिसिआर परीक्षणमा ५ लाख ६५ हजार ३६४ र एन्टिजेन परीक्षणबाट १५ हजार ९४४ संक्रमित भएका छन् ।
त्यसमध्ये ५ लाख ४ हजार ५३० संक्रमित निको भएका छन् । हालसम्म कोरोनाबाट मृत्यु हुनेको संख्या ८ हजार ९८ रहेको छ ।
