काठमाडौं । जनता समाजवादी पार्टी (जसपा)का पार्टी अध्यक्ष उपेन्द्र यादव संसदीय दलको नेता चयन भएका छन् । सोमबार बसेको जसपा संसदीय दलको बैठकले यादवलाई सर्वसम्मत दलको नेता चयन गरेको हो ।
गत मंसिरको निर्वाचनमा सप्तरी २ बाट पराजित यादव १० वैशाखको उपनिर्वाचनमा बारा २ बाट सांसदमा निर्वाचित भएका थिए । प्रतिनिधिसभामा जसपाका १२ जना सांसद छन् ।
बारा २ बाट जसपाका निर्वाचित सांसद रामसहायप्रसाद यादवलाई उपराष्ट्रपति बनाएपछि रिक्त निर्वाचन क्षेत्रमा अध्यक्ष उपेन्द्रलाई खडा गरिएको थियो । उपेन्द्रले अशोक राई छँदाछँदै उपराष्ट्रपति बनेका रामसहायलाई संसदीय दलको नेता बनाएका थिए ।
