काठमाडौँ । नेकपा (एकीकृत समाजवादी) का अध्यक्ष माधवकुमार नेपालले सरकारले आगामी आर्थिक वर्षका लागि प्रस्तुत गरेको नीति तथा कार्यक्रम कागजको खोस्टो मात्रै नभएको बताउनुभएको छ ।
प्रतिनिधिसभाको बैठकमा सरकारले प्रस्तुत गरेको नीति तथा कार्यक्रमका विषयमा नेकपा (एमाले) का अध्यक्ष केपी शर्मा ओलीले तिखो आलोचना गर्दै फिर्ता लिन आग्रह गरेपछि अध्यक्ष नेपालले त्यसको प्रतिवाद गर्नुभएको हो ।
नीति तथा कार्यक्रमको कुनै औचित्य छैन भन्ने कुरा आएका छन् भन्दै अध्यक्ष नेपालले भन्नुभयो, “मैले पनि यसो मनन गरेँ । यो कागजको खोस्टो मात्रै छ कि ? यसमा कुनै विषयवस्तु पनि छ यसो हेर्दै जाँदा मैले कागजको खोस्टो मात्रै पाइनँ ।” अगाडि सारिएका उद्देश्यहरुमा सुशासन कायम गर्ने र विकास निर्माणलाई प्रत्याभूति दिनेगरी अघि बढाउने उल्लेख गरिएको उहाँले बताउनुभयो ।
उहाँले भन्नुभयो, “नीति तथा कार्यक्रममा सेवा प्रवाहमा सरलीकरण गर्ने, सामाजिक न्यायको प्रवर्द्धन गर्ने राष्ट्रिय हितलाई सम्वर्द्धन गर्ने उद्देश्य अघि सारिएको छ ।
