काठमाडौं । क्रिकेटर सन्दीप लामिछानेविरुद्धको मुद्दामा आज पेशी तोकिएको छ । काठमाडौं जिल्ला अदालतका न्यायाधीश फणिन्द्रप्रसाद पराजुलीको इजलासमा उनको मुद्दाको सुनवाइ तोकिएको हो ।
जाहेरीकर्ताले अन्तरिम क्षतिपूर्तिका लागि दिएको निवेदनका कारण अघिल्लोको पेशी बिना सुनवाइ स्थगित भएको थियो । आज सन्दीपको मुद्दा न्यायाधीश पराजुलीको सुनवाइ सूचीमा चार नम्बरमा परेको छ ।
नेपालले विश्वकप ग्लोबल क्वालिफायरका लागि दक्षिण अफ्रिका भ्रमण गर्दैछ । जसको लागि सन्दिपको उपस्थिती निकै महत्वपुर्ण रहेको छ । आज मुद्दाको सुनवाइ नभएमा उनको दक्षिण अफ्रिका र जिम्बाबेको भ्रमण प्रभावित हुन सक्ने बताइएको छ ।
